Diahuebs 19 di september den sala di conferencia di Gamma IT Solutions, VCC International N.V. (VCC) a tene un workshop tocante e digitalisacion di documentonan y procesonan di payroll y Human Resource. Theo Geerman di VCC a splica HR managers y paymasters con pa digitalisa documentonan y traha mas eficiente uzando Payroll Pro HRM. A enfoca riba e cantidad grandi di papelnan cu e personanan aki tin cu traha cu ne, di locual mayoria di nan ta confidencial, y con pa haci e proceso aki digital.
Anoushka de Cuba Director di HR na Eagle Aruba Resort & Casino: “Ami ta uzando Payroll Pro 5 aña, pero Eagle Resort mes ta uzando e programa pa mas aña caba. Payroll Pro ta un programa hopi ‘user-friendly’, hopi facil pa traha cu ne, vooral si bo sigui e cursonan y haci e trainingsnan hands-on cu VCC ta brinda. Actualmente nos ta den e fase di importa tur nos documentacion pa e Human Resource Module (HRM)pa nos tin tur documentacion di tanto payroll y HR den un solo pakete. Esey ta e motibo pakiko nos tey tambe pasobra nos kier bira un ‘paperless office’; schaf af tur proceso manual y uza Payroll Pro HRM na ful su potencial!”
Stephalyn Paesch di Access Control Security N.V.: “Mi mes tin 1 aña trahando cu Payroll Pro, y pa mi e ta hopi facil pa uza; yega hinca centrale werkuren y e mes ta calcula e suma corecto. Serca nos tur proceso di HR ta bay via papel ainda; vakantiedagen, ziekmeldingen, etc , y mi kier digitalisa e procesonan aki. Pesey mi tey awe; pa haya sa mas di e HRM module, locual ta e programa mas nobo di Payroll Pro.”
Payroll Pro HRM, e programa di Payroll y HR mas uza na Aruba, ta brinda companianan e oportunidad di tin tur data y documentonan di empleadonan di payroll y HR den un solo programa, pero ta duna acceso na e datonan aki segun functiescheiding.
