E evento, atendi door di HR professionalnan, ehecutivonan y expertonan a destaca Payroll Pro su compromiso pa revoluciona HR management door di tecnologia moderno cu un enfoke riba e usuario. E ‘Employee and Manager Self-Service Portal’ y ‘Mobile App’, desaroya door di Payroll Pro su ekipo di programmeurnan local, ta ofrece un plataforma comprensivo y intuitivo pa optimalisa procesonan di HR, pa expande e participacion di empleadonan y pa provee e managernan cu informacion real- time door di e dashboardnan.
Un di e caracteristicanan clave di e portals y e app ta e integracion perfecto di tur funcionnan HR essential, asina facilitando empleadonan acceso na nan informacion personal; payslips, wage tax cards,absenties, vakanties, overtime, company policies y hopi mas. Alabes e ta haci e trabou di un HR manager mas liher door cu no tin peticion ta drenta via email of via formulario, asina eliminando e uzo di papel pa e trabou aki, y mas importante pa medio di approval e mutatie por bay di biaha den e payroll.
Tambe a mustra e Manager Portal cu ta percura pa managers por maneha nan mesun ekipo mas direct, por monitor employee performance, haci evaluacionnan y performance reviews y inicia HR workflows, tur esaki di un single user-friendly tool.
Durante e presentacion, Keila Heyer, HR di Nagico Aruba a duna su experiencia positivo con su compania ta uzando e mobile app y e self-service portals: “E app y manager portal ta accessible mescos nos Road Service 24/7 cual ta haci e proceso pa empleado y team di maneho semper up to date in “real-time”.
Jane Wever-Vermaas di VCC International NV distribuidor di Payroll Pro HRM: “Como rubiano nos por ta sumamente orguyoso cu Payroll Pro HRM ta e programa pa payroll y HRM mas uza y confia den ful Caribe, Surinam, Jamaica y Guyana. Nos meta ta pa provee organisacionnan cu e herment necesario pa nan por optimalisa nan procesonan di HR, engrandece e satisfaccion di nan empleadonan, y mas importante pa mehora e maneho y e exito di e companian. Nos huespednan por a mira con e innovacionnan aki di Payroll Pro ta facilmente adapta na cada organisacion su necesidadnan unico.
Masha danki na tur esnan cu tabata presente y nos kier a extende un danki di curason na e ekipo di Aruba Marriott Resort & Stellaris Casino pa unabes mas ta anfitrion ehemplar pa nos presentacion.
Pa mas informacion tocante Payroll Pro HRM y su solucionnan innovativo, por bishita www.payrollprohrm.com of email Jane Wever-Vermaas na VCC International na info@vcc-int.com of yama 583 - 7072
